بۇل تۋرالى الماتى قالاسى وڭىرلىك كوممۋنيكاسيالار قىزمەتىنىڭ الاڭىندا وتكەن بريفينگتە «قازاقستان يپوتەكالىق كومپانياسى» اق باسقارۋشى ديرەكتورى سىزدىقوۆ ەركىن ساتىبالدى ۇلى ايتتى.
ونىڭ ايتۋىنشا، «نۇرلى جەر» باعدارلاماسىنىڭ («قولجەتىمدى باسپانا - 2020»، وڭىرلەردى دامىتۋدىڭ 2020 جىلعا دەيىنگى باعدارلاماسى جانە «نۇرلى جول» مەملەكەتتىك ينفراقۇرىلىمدىق دامىتۋ باعدارلاماسى – «نۇرلى جەر» باعدارلاماسىنا بىرىكتىرىلدى) نەگىزگى وپەراتورلارىنىڭ ءبىرى رەتىندە، قازاقستان يپوتەكالىق كومپانياسى، قۇرىلىسشىلار كۇنىنىڭ قارساڭىندا ساتىپ الۋ مۇمكىندىگىمەن جالعا بەرىلەتىن تۇرعىن ءۇيدىڭ 1 ميلليوننان استام شارشى مەترىن پايدالانۋعا بەردى (جوسپار بويىنشا 2018 جىلدىڭ سوڭىنا دەيىن 972 مىڭ ش.م.). 10 تامىزدا پايدالانۋعا ەنگىزۋ بويىنشا اكتىگە قول قويىلدى.
ەگەر پاتەرلىك بالامادا ايتاتىن بولساق – بۇل 4 جىلدىڭ ىشىندە 17 694 پاتەر.
ساتىپ الۋ قۇقىعىمەن جالعا بەرىلەتىن تۇرعىن ءۇيدى ءبولۋدى ىسكە اسىرۋ كومپانيانىڭ الەۋمەتتىك ماڭىزى بار باعىتتارىنىڭ بىرەگەيى بولىپ تابىلادى، ويتكەنى تۇرعىن ءۇيدى باسقا ادىستەرمەن، سونىڭ ىشىندە يپوتەكا ارقىلى ساتىپ الۋعا تابىسى جەتكىلىكسىز ازاماتتارعا (جەرگىلىكتى اتقارۋشى ورگانداردا كەزەكتە تۇرعان ادامدارعا) تۇرعىن ءۇي ساتىپ الۋ مۇمكىندىگىن ۇسىنادى. باعدارلاما حالىقتىڭ الەۋمەتتىك وسال توپتارىن، كوپ بالالى جانە تولىق ەمەس وتباسىلاردى، مۇگەدەك بالالارى بار نەمەسە ولاردى تاربيەلەۋشi وتباسىلاردى، جەتىم بالالار مەن اتا-اناسىنىڭ قامقورلىعىنسىز قالعان بالالاردى، ورالمانداردى، 1ء-شى جانە 2ء-شى توپتاعى مۇگەدەكتەردى، سونداي-اق مەملەكەتتىك قىزمەتكەرلەردى، اسكەري قىزمەتكەرلەردى، ارنايى مەملەكەتتىك ورگانداردىڭ قىزمەتكەرلەرىن، بيۋدجەتتىك ۇيىمداردىڭ جۇمىسكەرلەرىن قولداۋ ءۇشىن ازىرلەندى.
باعىتتى ىسكە اسىرۋ ءۇشىن كومپانيانى 163،3 ملرد. تەڭگە كولەمىندە جالپى قارجىلاندىرۋ كوزدەلدى، سونىڭ ىشىندە ق ر ۇلتتىق قورىنان جەڭىلدىكتى نەسيە الۋ (2015-2016 جىلدارى 115 ملرد. تەڭگە سوماسىندا)، رەسپۋبليكالىق بيۋدجەتتەن قارجىلاندىرۋ (2016 جىلى 19،1 ملرد. تەڭگە كولەمىندە)، سونداي-اق كومپانيانىڭ جارعىلىق كاپيتالىن 29،2 ملرد. تەڭگەگە ارتتىرۋ ەسەبىنەن.
كومپانيا جالعا بەرىلەتىن تۇرعىن ءۇيدى سالۋ، ساتىپ الۋ جانە ءبولۋ بويىنشا بەلسەندى قىزمەتىن 2015 جىلى باستادى جانە باعدارلاماعا سايكەس 2018 جىلى اياقتايدى.
«ساتىپ الۋ قۇقىعىمەن جالعا بەرۋ» باعىتى جۇمىس ىستەگەن كەزەڭدە جالعا بەرىلەتىن تۇرعىن ءۇي قۇرىلىسى قازاقستاننىڭ 20 قالاسىندا جۇزەگە اسىرىلدى – استانا، الماتى، پاۆلودار، قىزىلوردا، اقتاۋ، وسكەمەن، رۋدنىي، پەتروپاۆلوۆسك، قاراعاندى، قوستاناي، كوكشەتاۋ، سەمەي، تاراز، تالدىقورعان، شىمكەنت، ورال، اتىراۋ، اقتوبە، تۇركىستان، حرومتاۋ.
جىل سوڭىنا دەيىن قوستاناي، قاراعاندى، وسكەمەن، ورال قالالارىندا 41 مىڭنان استام شارشى مەتر پايدالانۋعا بەرىلەتىن بولادى (703 پاتەر).
اتلەتيكالىق اۋىل ءبىزدىڭ ەرەكشە ماقتانىشىمىز بولىپ تابىلادى، بۇل تۇرعىن ءۇي كەشەنى الماتىدا 2017 جىلعى قىستىق ۋنيۆەرسيادا قارساڭىندا بوي كوتەردى، كەيىننەن كەزەكتە تۇرعان ادامدار اراسىندا ءبولۋ ءۇشىن ۋاكىلەتتى ۇيىمدارعا تاپسىرىلدى. كەزەكتە تۇرعان كەم دەگەندە 2000 ادام «ساتىپ الۋ مۇمكىندىگىمىن جالعا بەرۋ» باعدارلاماسى بويىنشا اتلەتيكالىق اۋىلعا قونىستاندى. الماتىداعى «جاس قانات» تۇرعىن ءۇي كەشەنى دە تاعى ءبىر ءىرى وبەكتىمىز بولىپ تابىلادى. ول جەردە 1780 وتباسى قونىس تويىن تويلاماق.
بارلىق وبەكتىلەردىڭ قۇرىلىسى «بايتەرەك» ۇبح-نىڭ ەنشىلەس بولىمشەسى – «بايتەرەك ديەۆەپلومەنت» اق-نىڭ قاتىسۋىمەن جۇرگىزىلدى. ءبىز قازاقستاندىق قۇرىلىس جانە ارلەۋ ماتەريالدارىن وندىرۋشىلەرمەن جۇمىس ىستەدىك، ينجەنەرلىك جانە تەحنيكالىق جۇمىستاردى دا جەرگىلىكتى مەردىگەرلەر ورىندادى. ليفتىلەر، سورعى ستانسياسى جانە ت.ب. ينجەنەرلىك جابدىقتار عانا سىرتتان ساتىپ الىندى.
قۇرىلىس ساپاسى بارلىق كەزەڭدەردە ءۇش دەڭگەيلىك باقىلاۋدان وتەدى: قۇرىلىس سالۋشىنىڭ ءوز تەحقاداعالاۋى، قيك تاراپىنان تاۋەلسىز تەحنيكالىق قاداعالاۋ جانە مسقب. بارلىق پاتەرلەر كەزەكتە تۇرعان ادامدارعا ارلەنگەن جانە قونىستاندىرۋعا دايىن كۇيىندە تاپسىرىلادى. پاتەرلەر سانيتارلىق توراپتارمەن تولىق جابدىقتالعان، ەلەكتر/گاز پليتالارى ورناتىلعان.
ەل اۋقىمىنداعى قۇرىلىس باعدارلاماسى – بۇل سالانى، جەرگىلىكتى جانە مۋنيسيپالدىق ينفراقۇرىلىمدى دامىتۋدىڭ كۇشتى درايۆەرى بولىپ تابىلادى. ونىمەن قوسا، بۇل سەنىمدى تۇراقتاندىرۋشى الەۋمەتتىك فاكتور، ازاماتتاردىڭ الەۋمەتتىك وسال توپتارىنىڭ تۇرعىن ءۇي جاعدايلارىن جاقسارتۋمەن قاتار، باعدارلاما اياسىندا ەل بويىنشا 4 مىڭ جاڭا جۇمىس ورنى قۇرىلدى.
بۇگىندە «ساتىپ الۋ قۇقىعىمەن جالعا بەرۋ» باعىتى بويىنشا سالىنعان جانە ساتىپ الىنعان پاتەرلەردە 17 مىڭنان استام وتباسى نەمەسە 50 مىڭنان استام ادام تۇرىپ جاتىر-دەپ ءسوزىن اياقتادى ە.سىزدىقوۆ.
